glamour

Non vou facer comentario ningún sobre o vestido que levaba a Súperdelegada da Xunta o día do seu estreno. Nada máis lonxe da miña intención que valorar o acto pola roupa da política. O único é que chama a atención que noutras ocasións sempre se fixera mención do tema. Dende a ex Ministra de Fomento ata a Vicepresidenta do Goberno, se por algo chamaron a atención ós nosos periodistas locais a labor destas foi pola roupa que levaban posta cando nos visitaron. Sen dúbida o amarelo e violeta de Lucía é moito máis sinxelo e discreto que as extravagancias madrileñas para os redactores. E o que tampouco acabo de entender moi ben é que chamara máis a atención o moreno do bialcalde Caballero que a pel queimada do Conselleiro de Industria, o vigués Guerra. Sen dúbida debeu ser unha mostra de respecto, porque esta cor de pel so pode deberse a algunha extraña enfermidade cutánea. En calquera caso, unido a ese look de macarra de paseo marítimo, pinta moi ben para venderlle camisetas ós surfeiros.

A mirada piadosa de Molares revela que, efectivamente, é unha extraña enfermidade

Tampouco vou facer mención do feito de que mentras "Todo Vigo" se reunía para darlle palmadiñas no lombo a Lucía, ésta esquecía os seus deberes de mediación entre traballadores e empresarios do metal, coas nefastas consecuencias que estas horas xa estamos comenzando a sufrir os vigueses. Pero tendo en conta que foi "arroupada" polos mesmos sindicalistas e empresarios do conflicto, non son quen de dicir nada.

Desta vez os cotilleos correron por conta de La Voz de Galicia, que, lonxe de ter a solera do periódico decano, segue a súa senda de "telecinquearse" á que nos ten acostumados de un tempo a esta parte. Moito máis rigurosos os do Atlántico Diario, que atopa o máis interesante no feito de que non houbo pinchos.

¿Para cando cueiros de adulto da liña "El Niño"?